Nimin khan Rengdil Playground-ah  Zawlnuam Zone Football Association leh Kawrthah Zone Football Association te tangkawpin an buatsaih Hachhek Constituency MLA Cup vawi 4-na chu Bialtu MLA Pu Lalrinmawia Ralte, Hon'ble Adviser to CM ni bawk chuan khuallian niin a hawng.

Khuallian chuan MLA Cup buatsaihtu Organising Board chungah lawmthu sawiin an hmalakna avanga hmasawnna nasa tak an nei chu lawmawm a tih thu leh thalai infiammite chu hmasawn zel tum tura fuihin mi tih ang leh mi nih ang ka ni ve thei a ni tih ring tlat chunga taihmakna leh tumruhna nen tang sauh sauh turin a fuih.

Hachhek Constituency MLA Cup-ah hian khaw 25 atangin Team 26, 1st Division Team 14 leh 2nd Division Team 12 an tel a. 1st Division Champion hian Cheng 50000/- (Singnga) leh Trophy, Runners Up Team-in Cheng 30000/- ( Singthum) leh Trophy bakah Semifinalists te'n Cheng 15000/- (Singkhat sangnga) an dawng dawn a. 2nd Division Champion Team te'n Cheng 40000/- ( Singli) leh Trophy, Runners up Cheng 20000/- ( Singhnih) leh Trophy bakah Semifinalists te'n Cheng 10000/- ( Singkhat) an dawng dawn a ni. Heng bakah hian Fair Play Award Cheng 5000/- (Sangnga) leh Team tel zawng zawngte Participation Prize Cheng 2000/- ( Sanghnih) theuh an pe dawn bawk a ni.

Hachhek Constituency MLA Cup hawnna Programme hi Pu P.C Lalduhawma, Vice Chairman, Organising Board chuan kaihruaiin Pu J.Malsawma, Chairman, Organising Board chuan inlawmna thu a sawi a. Pu P.C Lalhruaikima, Secretary, Organising Board chuan Report a pe bawk.

Hachhek Constituency MLA Cup vawi 4-na a Team tel zawng zawngte hi Bialtu MLA hian Jersey, Ball boot leh Football a pe vek bawk a ni.