Nimin khan Rengdil Playground-ah  Zawlnuam Zone Football Association leh Kawrthah Zone Football Association te tangkawpin an buatsaih Hachhek Constituency MLA Cup vawi 4-na chu Bialtu MLA Pu Lalrinmawia Ralte, Hon'ble Adviser to CM ni bawk chuan khuallian niin a kharna hun hmanpui.

Khuallian chuan Hachhek bial huam chhunga infiammi football kheltute in elna tluangtaka hun hman zawh a ni chu lawmawm a tih thu a sawi a, Khawvel changkanna leh hmasawnna in a ken tel zingah infiamna lamah mizote kan thangharh chho mek zel a, tih tak zeta beitute tan eizawnna tlak leh chhungkaw chawmna tlak a ni tawh takzet a ni a ti.

Pu Lalrinmawia Ralte chuan tun tuma chak zo ta lote pawh beidawng lova mai lova, hlawhtling tur chuan tih tak zeta hmalam  pan a bei zel tur leh ruihhlo leh a kaihhnawih laka fihlim zel turin a chah bawk a ni.

Hachhek Constituency MLA Cup-ah hian khaw 25 atangin Team 26, 1st Division Team 14 leh 2nd Division Team 12 an tel a. 1st Division-ah hian Rengdil FC te chuan  Champion niin Cheng 50000/- (Singnga) leh trophy an dawng a ni. 2nd Division-ah Zawlpui FC te chuan chak ber nihna hauhin Rs 40000/-(singli)  leh trophy an dawng bawk a ni.

Hachhek MLA cup Football Tournament ah hian Fair Play Award hi 1st Division-ah Kawrthah FC chuan dawngin 2nd Division ah Zawlpui FC ten an dawng bawk a ni. Team tel zawng zawng te hian Participation Prize Cheng 2000/- ( Sanghnih) theuh an dawng bawk a ni.

Hachhek Constituency MLA Cup kharna hun hi Pu J. Malsawma, Chairman Organising Board chuan a kaihruaia Pu P.C Lalduhawma, Vice Chairman, Organising Board chuan Tournament chungchang  Report a

pe bawk.

Hachhek Constituency MLA Cup vawi 4-na a Team tel zawng zawngte hi Bialtu MLA hian Jersey, Ball boot leh Football a pe vek bawk a ni.