530/2023-2024
Lunglei the 22nd May, 2023 – Pi Ramdinliani , DC Lunglei chuan 19th May 2023 khan a hnuai ami ang hian hriattirna a chhuah.
NH-302 (Lunglei - Tlabung) kawnga Phairuangkai leh Tuichawng leite hi tun dinhmunah siamthat leh thawmthat a ngai hle a, hemi atan hian hmalak mek a ni. Heng lei (bridges) te hi Mizoram khawthlang mipuite tan chak lakna kawng pawimawh leh awmchhun a nih avangin an pawimawh hle a, chuvangin helai kawnga lirthei vei vak thin mipuite hian kan dim thiam a tul hle a ni.
Tun dinhmunah Phairuangkai lei hi 12 Tonne dawl zo tura ngaih a ni a, Tuichawng lei hi 15 Tonne dawl zo tura ngaih a ni bawk. Chuvangin, lirthei zawng zawngte, a bikin bungraw phurte'n a chunga tarlan aia rit phur chunga heng leite hi zawh loh tur a ni a, him tak leh tangkai taka kan hman zel theihna turin he hriattirna hi zawm ngei turin kan inngen e.
