531/2023-2024

Kolasib dated 22nd May 2023: Vawiin khan DRDO Conference Hall, Project Veng, Kolasibah ‘Remna Ni 2023’ lawm dan tur relin thutkhawmna neih a ni a. Pu John LT Sanga, Deputy Commissioner chuan hun kaihruaiin Deputy Commissioners’ Office, Office of the Superintendent of Police, District Hospital, District Local Administration Office, District Education Office, District Information & Public Relations Office, MZP leh tlawmngai Pawl hrang hrang hruaitute an tel a ni.

Thutkhawmnaah hian General Administrative Department-in Mizoram pum a ‘Remna Ni 2023’ lawm dan tur a tihchhuah zulzui a Kolasib District chhung a kalpui dan tur rel a ni a. Ni 30, June 2023 hian Parish Hall, Venglai, Kolasibah ‘Remna Ni’ lawmna pui ber hi hman tur a rel niin ‘Remna Kawngzawh’ leh a thlawn a inentirna ‘Free Medical Health Camp’ kalpui nghal tur a rel a ni. ‘Remna Ni 2023’ pual hian Video tawi insiamsiakte, Painting & Photography Competition, Quiz, Essay leh Cleanliness Drive neih dan tur te rel a ni.

Thingphunna hun siam leh fai tur a inzirtirna poster insiamsiak te kalpui tum a ni a, zalenna leh ralmuanna hlut zia lan tir thei tur thupui hmangin heng intihsiakna hrang hrang te hi kalpui tum a ni.