Vawiin chawhma khan HATIM Auditorium, Lunglei ah 9th Annual College Sports Week 2015 closing function neih a ni a. Pu Zodintluanga, Sports & Youth Service, etc. Minister in a hmanpui.

Pi Laldinkimi Khiangte, Associate Professor in inkhawm kaihruaiin Pu Zodintluanga chuan thusawiin Baptish Kohhran in Institution tha tak an din avangin lawmthu a sawi a. Chhimlam ah thluak a awm an ti thin a, Chief Minister panga ah Chief Minister pali chu chhimlam chhuak an ni a. Miropui leh Officer lian tak tak an chhuak a, tun hnuah hian competitive exam ah chhim lam hi an lang thei tawh lo hi in bihchian a, tan lak a ngai hle a ni, a ti. Kan rual u zawk ten an tih theih chu kan ti ve thei tur a ni a ti. Kan ram leh hnam siam thatna kawng ah ke i pen ang u, hmasawn tur in mahni inring tawk takin kan dikna hi kan hmang tur a ni a ti. Saptawng hi kan pianpui tawng a ni lova, lam nalh leh aia thiamte zah lovin tawng bawrh bawrh turin a duh a, India ah mai nilo in foreign ah te lehkha zira in kal anih pawhin he Institution hi chhuan tlak a phochhuak turin a duh a ni. Tunlai thalai ten zonun ze mawi aia upa te, Nu leh Pa zah na te hi kan hlauh tawh a, chuvangin chhimlam thalai te hian zonun ze mawi vawng nung zel turin a chah a ni.

He 9th Annual Sports Week ah hian Best Boy ah Jonathan Laltleipuia leh Best Girl ah Lalsangpuii te thlan an ni.