Environment & Forest Minister Pu Lalrinmawia Ralte chuan Sihphir Venghlun Forest Beat Complex-a Forest Check Post-cum-Sale Outlet Rs. 35 lakh senga sak chu nimin tlai khan a hawng.

A hawn paha thusawiin Pu Lalrinmawia Ralte chuan mipui tana thil tha hi chu dan kalh si lova a tih theih dan a awm chuan tih mai zel a pawimawh a ni, a ti a. Mipui ten an tangkaipui hle dawn a ni, a ti. Hei hi mipui te leh bialtu MLA ngenna anga kawngpui ti cheptu, kawngpui dunga chawhmeh bazar insuan luhna atana sak a nih thu a sawi a ni.

He Sale Outlet 124 Sq.m ah zauah hian chawhmeh zawrhna tur market hmun leh VFDC dawrte (store) dah a ni a, a chhawng chung chu Forest Check-post ah hman a ni ang. He chawhmeh bazar hi Forest Department kaihhruaina hnuaiah Sihphir Venghlun khawtlang hruaitute’n an enkawl zui ang.