Nimin khan Mualthuam South a Private High School HPC sum Cheng nuaisawm senga sak chu Pu S.Laldingliana HPC Vice Chairman chuan a hawng.

Pu S. Laldingliana, Vice Chairman, HPC Lunglei chuan Mualthuam South a school tha tak a lo ding thei ta chu lawmawm a tih thu leh khaw miten tangkai taka an hman a duh thu a sawi a ni. Mualthuam South hi a lo changkan zel theih nan theihtawpa hma lak zel a tum thu sawiin nakum sorkar kum thar pawisa atangin an khaw mamawh community Hall changtlung taka sak sak a tum thu a sawi bawk a ni.

He school hi kum 2002 a din tan niin, school building chhe tak hnuaiah he school hi tha taka kal chhohpui zel a ni a. Bialtu MLA Pu S. Laldingliana chuan kum 2014-2015 HPC Fund atangin school building tha tak a sak sak ta a ni. He school ah hian naupang 26 an awm mek a, zirtirtu 6 leh chowkider 1 in an enkawl mek a ni. HPC Vice Chairman hi Pu Lawmzuala DPC, RMSA leh Dr. Davida, Medical officer, Civil Hospital Lunglei ten an tawiawm a ni.