1335/2023-2025
Lunglei; the 1st August ;2023: Lunglei -- Tlabung Road (NH-302) chu Lirthei tana zawh ngam loh tur khawpa a chhiat tawh avangin rang taka kawng zawh theih tura siamthat hna thawk turin contractor BRN Infrastructure Pvt.Ltd te chu thupek an ni a. Dipdaltu awm lova tha taka hna an thawh theih nan District Magistrate leh Chairman DDMA,Lunglei Pi Ramdinliani IAS chuan Disaster Management Act,2005, hnuaia Sec 34 (a),(b) leh (m) in thuneihna a pek angin Hauruang leh Tlanbung inkar kawngpui(NH-302) chu tahrik ni 26/07/2023 zing dar 6:00Am atanga tahrik ni 28/07/2023 zing dar 6:00Am thleng khan kharna order pawh a lo chhuah tawh a ni.
Mahse vawiin thlengin kawngpui dinhmun hi a la ngai reng avangin Lunglei thlang Joint Maxicab Services ten an maxicab te an la tlan tir lo chhunzawm zel a ni.
He harsatna sukiang tur hian vawiinah khan HPC Vice Chairman Pu Lawmawma Tochhawng kaihruaina hnuaiah Emergency meeting neih a ni a.He meetingah hian 33-Lunglei South AC bialtu MLA, DC Lunglei, SP Lunglei,General Manager NHIDCL(PMU-Lunglei), BRN Infrastructure Pvt.Ltd aiawh, Lunglei thlang Joint Maxicab Sevices leh Zoran Drivers" Union aiawh te telin, Lirthei eng chi pawhin an zawh theih tura, rang taka kawng chhe lai siam that dan tur chipchiar tak leh ngunthluk taka sawiho a ni hnuah, NHIDCL lamin rawtna an siam angin dipdaltu awm lova contractor in tha taka hna a thawh theih nan darkar 48 chhung kawng hi khar leh ni se tia rel a ni a.
He thurel bawhzui hian Pi Ramdinliani IAS, District Magistrate leh Chairman DDMA,Lunglei chuan Disaster Management Act,2005 hnuaia Sec 34(a),(b) leh (m) in thuneihna a pek angin sm hnuaia a mi ang hian Thupek a chhuah:-
1.Hauruang leh Tlabung inkar kawngpui(NH-32) chu tahrik ni 04/08/2023 zing dar 6:00Am atangin tahrik ni 06/08/2023 zing dar 6:00Am thleng Medium leh Heavy Vehicle(Tata 407 and above) tan khar a ni.
2. Medium leh Heavy Vehicle te chuan an kawng zawh turah ruahmanna felfai tak an insiam ang.
3. BRN Infrastructure Pvt.Ltd te pawhin tahrik ni 06/08/2023 zing dar 6:00Am atangin Lirthei eng chi pawhin a zawh theih turin kawngpui(NH-302) hi an siam tha hman ngei tur a ni.
