Vawiin khan Mizorama a vawikhatna atan Vanapa Hall-ah Hawaiian Guitar Festival-Cum-Competition buatsaih a ni a. Art & Culture Department Minister Pu R.Lalzirliana chu khuallian a ni.

Khuallian Pu R.Lalzirliana chuan Hawaiian Guitar Festival-Cum-Competition buatsaihtu Art & Culture Department leh competition a tel zawng zawng bakah festival hmang tura kal, mipuite chungah lawmthu a sawi a. Mizo te ril rem tak mai, Hawaiian Guitar thamral mai tur, ngaih pawimawh a ni chu lawm awm, a ti a. Khuallian chuan hmanlai chuan tlangval ten Hawaiian Guitar tum in, ral khat atanga zaia lunglenga inawih hun te a awm thin a, tunlai khawvel nen chuan hmanlai nun chu a inang ta lo hle a ni, tiin a sawi a ni. Minister chuan Hawaiian Guitar Festival hian chona thar Mizo te hnenah thlen se, Association member pawh a tam thei ang ber in ziaklut se a duh thu a sawi a ni.

Hawaiian Guitar Festival-Cum-Competition a lawmman dawngtu te chu:
Pu Eden Thara, Mission Vengthlang
Pu K.Rochhunga, Thuampui Vengthar
Pu Tlanghmingthanga, Khawzawl

Lawmman dawngtu bakah hian Mi pasarih hnenah Consolation Prize pek an ni a. Inelna atana hla pathum- Rimawi Ram, Tleitirah Tleitiri, Rihlipui Khi Thlafam Leng Kaina tum a ni a. Mi sawmpariat competition ah telin chung zingah chuan hmeichhia pahnih an tel a, Festival a tel hi mi 40 vel an ni. Mizoram hmun hrang hrang Kanhmun, Darlawn, Khawzawl leh Aizawl veng hrang hrang atang te in an kal khawm a ni.