Mizoram State Health Care Scheme hnuaiah 24 May, 2011 thlengin damlo bill 3743 tih fel tawhah Rs.39,144,198 /-(Cheng vaibelchhe thum nuaisawmkua pakhat singli sangli za leh sawmkua pariat) pek chhuah tawh a ni a. Bill la tur ten mahni awmna damdawi inah ngaihven zel tur a ni. Bill te hi a rang thei ang bera pek theih turin Insurance Company/TPA chu nawr reng an ni.

Tuna Scheme kal lai mek hi kumin August ni 31-ah a tawp dawn a, September, 2011 atangin Scheme hi tih tan leh theihna turin chak taka hmalak mek a ni. Inziahluh  (registration) hi September, 2011 hmain district tinah tan tum a ni a, mahni veng Sub-Centre theuh ah HealthWorker te kaltlangin in register theih a ni leh ang. He Scheme tha tak hnuaia hamthatna dawng turin sorkar hnathawk lo chhungkuate chu  inziaklut   theuh tura hriattir an ni. Kum hmasa ang tho in inziahluh (registration) hun hi bituk a ni leh dawn a, hun hawn chhunga in inziaklut hman lo tan chuan a tih theih tawh lo ang.