Ni 2 chhung awh tur, Health & FW Deptt hnuaia Reproductive & Child Health Programe (RCH)  leh National Health Mission ten kum 2014 -15 chhunga an hnathawh thlirletna (Review Meeting) leh tun kumthara an hmalak dan tur sawihona chu Health Directorate Conference Hall, Dinthar-ah vawiin khan tan a ni.

Report-a alan dan in Mizoram pumah :

April 2014 –March 2015 chhung :

Nu naupai, Sub Centre a register leh check up neih zat – 23475,

Naupai lama harsatna (Complication) zual bik nei hmuhchhuah leh enkawl zat - 465,

Naupai thisen nei tlem (Anaemia) enkawl ngai enkawl zat -8562,

Naupiang Registered zat – 21783,

 Damdawiina mithiamte kuta nau piang – 19660,

 In-a nau piang zat – 2123,

Nau zaichhuah (C-Section) zat -3299,

Nau neih atanga  ni 14 chhunga Nu nau nei Inlama Check up, (Post Natal Check up)  zat – 18364, chung zinga Thatlohna nei Treatment pek zat – 50,

Nausen Vaccine a  hun taka la kim zat -18537,

Nu Insiam (Tubectomy) zat- 1208.

Copper- T  dah zat – 2531,

Kumkhat chhunga Nausen Kumkhat hnuailam thi zat – 822,

Nu nau chunga thi zat – 21, te an ni.

Nausen thi tamna Saiha District-ah chuan Nausen damlo enkawlna (SNCU) leh Lawngtlai ah pawh SNCU hi hawn a ni tawh bawk. Nu nau chunga thihna leh Infant death a tlem theihna tura mipuite zirtirna, (Awareness Campaign) District tinah neih neih mek a ni bawk. Nausen leh nau chunga thihna (IMR,MMR.) hi ram mipuite hriselna lama hriatzauna (Knowledge & Awareness) mai bakah an changkan dan (Standard of Living) tehfung pawimawh tak a ni a. Tunah hian India ram pumpui IMR chu 40 anih laiin  Mizoram bik chu 35 a ni.

IMR sanna state Assam leh MP te IMR chu 54 a nih laiin a hniamna ber chu Goa (IMR – 9) a ni.  Mizoramah IMR tihniam tura harsatna lianber pakhat ni a lang chu, nausen enkawl dan kan thiam tawk loh vang te, an hriselna tura inchhungkhur tihfai leh Environmental Hygiene lama kan hniam vang te, Doctor-te pan vat nachang hriat tawk loh vanga thihna te hi a ni. IMR tihniam tur hian hriselna lama thawktu mai an tawk lova, nu leh pa, chhungkua hrisel nih a ngai a, health awareness nei tur khawpa hriatna zau  nu leh pa nih te, hriselna lama thawktu te nena thawhhona tha neih a ngai a ni tiin he meeting-ah hian uar zawka mipui zirtir dan tur leh thawhhona tha zawk neih dan tur an ngaihtuah a ni.

He Review Meeting, Dr K.Lalbiakzuala Mission Director, NHM kaihhruaiah hian Dr. Rohmingthanga Ralte, Director of Health Services leh Dr. R.Lalbiakkima, Director of Hospital & Medical Education te pawhin thu an sawi a. Health Directorate Officers  bakah District tin atangin CMO, SMO, Medical Superintendent, Gynaecologist , Paediatricians, District Programe Managers, Accountants leh Executive Assistants te an kim hle.