National Vector Borne Diseases Control Programme hnuaia Malaria do hna kal ti chak leh zual turin Mizoram pum a Medical Officer te training pek chhuah tum chu a bul tan nan Kolasib District ah vawiin khan neih a ni a. Directorate of Health Service atangin Dr. C. Zarzoliana, Jt. Director (Mal) leh a team ten an hman pui a ni.
Dr. C. Zarzoliana chuan malaria-a Mizoram dinhmun a sawi a. Kum 2013 atanga 2015 thlenga Malaria lo pung chho zel in zia lam a pan theih nan mipuite hnenah DDT kah ngaipawimawh tur leh thosi tui theihna tuitling ti bo a, mahni inven ngaih pawimawh nachang hre tur a zirtirna uar turin kalkhawmte a fuih a ni.
He Training programme ah hian Dr. R.K Lalthlamuana, District Malaria Officer, Kolasib chu Chairman niin, Medical Officer te hi Malaria veite enkawl dan leh Malaria do kawnga hmalak chak leh zual dan turte zirtir an ni.
