Tukin zing dar 6:30 atang khan Pu John Rotluangliana; Minister,  FCS&CA etc. chuan a Department chan 3 te  Office a tlawh kual a, Office ram ruak an neih dan te a hmunah a enfiah a ni. A hmasa berah Tourist Lodge a tlawh a, Tourist Lodge bulchiah ram chu a piah deuh hleka Pi Violet-i, Mara ram Missionary la dam awmchhun inhmun nen MADC hotute ngen puina angin thleng a remti a, MADC hotute an lawm hle a ni. Pi Violet-i Inhmun hi Transport Deptt. ram leh mimal ram inkarah a awm a, Tourist Lodge bulchiaha awm hi a duhzawk avangin, MADC hotute chuan Pi Violet-i inhmun leh Tourism Department ram chu inthlengpui turin Minister hi an ngen sak ta a ni. Minister chuan Mara ram mipuite VVIP tana thil tha a tih sak thei chu a lawm hle a ni, a ti. Ram inthlengte hi MADC Revenue Department ten an buaipui anga, a lenzawng intia chiahin an in thleng dawn a ni.

Minister hian DCSO, DTO, MST Office Ieh Legal Metrology office te leh an ram ruak neih te a hmunah a tlawh chhuak vek a. MADC bul lawka Legal Metrology Office ram leh DTO ram phei chu pek thuah palh a ni, tih hmuchhuah a ni a. DTO hian Land Donation Certificate kum 1990-a issue an nei a, Legal Metrology hian kum 1991-a issue an nei thung a ni. Minister chuan a department chan te zingah, Department thenkhatin ram luahsen loh an neih laiin, Department thenkhat ten ram an nei lo a nih chuan, Department hotute nen sawihova insemzai dan ngaihtuah a that thu a sawi.

Tukin zing programme-ah hian Pu John Rotluangliana Aizawl atanga tawiawm tute Ieh Mizoram sawrkar hnuaia Officer thahnem tak te bakah MADC- a EM pathum Pu te  MH.Tiabi, EM( PWD), K.Chhuabei, EM( RD) Ieh FC.Lawmkima, EM (Rev) ten an tawiawm bawk a ni.