Vawiin khan Directorate of Health Services huaihawtin Govt. Aizawl West College-ah Sensitization Workshop on Pre-Conception & Pre-Natal Diagnostic Techniques (PC &PNDT) Act 1994 neih a ni.

He hun hi Dr. C.Lalthlengliana, History Department-in kaihruaiin thupui a sawihawng a. Hemi hnu hian Dr. B Lalramzauva, Joint Director cum State Nodal Officer chuan Power point presentation hmangin PN & PNDT Act 1994 awmzia leh nihphung zirlaite hnenah a sawi fiah a ni.

He hunah zirtirna petu Dr. B.lalramzauva chuan PC & PNDT Act in a tum ber chu nu in nau a pai laia Ultrasound khawl hmanga a naupai lai hmeichhia nge mipa a nih tih hriat tum khapna dan a nih thu te. India ramah thuamchhawm (Dowry sytem) avanga hmeichhia te dinhmun a chep zia leh, kan sex ratio pawhin a tawrh dan te a sawi fiah a. Hetiang tih tumte hremna dan pawh tarlang nghalin kum 3 lungin tan leh Rs 10,000/- thleng chawi theih a nih thu te, a tih nawn leh chuan kum 5 lungin tan leh Rs 50,000/- thleng chawi theih a nih thu te tarlangin he thilah nakin lawka nu leh pa la ni mai tur zirlaite chu fuihin dan in a phal loh thilte ti lui lo tur leh midangte hnenah pawh zirtirna pek chhawn kawnga tan la turin zirlaite chu a fuih a ni.

He hunah hian Aizawl West College zirlaite an kal tha hle.