Nizan-a New Market Sa Dawr-Cum- 2nd Hand Building-a Bomb puak chu 21.02.2014 (Zirtawpni) hian Pu B.Lalhmingthanga, Secretary,Trade & Commerce Department, Pu C.Lalzirliana, Director,Trade & Commerce Department leh New Market Staff ten a hmun ah an enfiah a.

Bomb puak avang hian he building tan hian hlauhthawnawm belhna turin Building Structure-ah nghawng chhiat a nei lova, a bul hnai lungrem chim, Building hlui hungna leh Marketing Inspector Quarters bang a nghawr keh tih loh chu thil tihchhiat a nei lo. Chiaina tur awmin an hre lo.

Hemi chungchangah hian Trade & Commerce Department chuan thuchuah an siam :

1. Bomb puahna hmun: Sa zawrhna hmun Chhinga Veng lam bang hrul ah ani a,(2nd floor) a puah hun hi 20th February 2014, 11:35 pm a ni.

2. Bomb puahna hmun, Sa dawr-Cum-2nd Hand Market building hi a hlui tawh avangin thiah(demolish) tura tih a ni.

3. He Building Chhunga Sa chi hrang hrang zuartute hi Main Building chhungah suan luh vek tawh an ni a, an thutna hmun siamfel sak vek an ni tawh.

4. He Building thiah tur avang hian a chhunga Sa zuarte atangin vui leh vaina a awm thu engmah kan hre lo a, an ni atang hi chuan hetiang thil hi thleng thei ah Department chuan a ngailo.

5. He Building thiah tur hi a thiat tur Quotation Notice chu 7th February 2014 khan a tichhuak tawh a, chanchinbu 4-ah tihchhuah tawh niin he quotation chhanna hi Dt.26.02.2014-ah hawn a ni ang.

6. Heta a thiattu tur Contractor thlan hian Ni 60 chhungin thiat fel tura tih a ni.

7. A sak thatna tur sum hi NEC Shillong ah dil a ni tawh a, bawhzui reng a ni.

8. Nizan-a Bomb a puah hnu lawk hian Aizawl District Superintendent of Police leh Police Officers te,Director, Trade & Commerce Department leh New Market Staff te chu a hmun ah an thleng nghal a, hmalak ngai te lak nghal a ni.