Mizoram sawrkar flagship programme SEDP hnuaia din Health & Family Welfare Board chu an chairman Dr. R. Lalthangliana, H&FW Minister hovin vawiin khan Secretariat Conference Hall, MINECO ah an thukhawm.

Vawiin Health & Family Welfare Board thukhawm hian kumin October ni 1 atanga hman tan Mizoram State Health Care Scheme, 2019 kalpui a nih dan leh dinhmun te an thlir hova, mipui mamawhna a nasat telh telh avang leh dinhmun harsa zawk ten an pan ber a nih avangin Aizawl Civil Hospital area tih zau dan tur leh Aizawl Civil Hospital bakah District Hospital zawng zawng tihchangtlun dan tur sawiho niin a zirchiang tur Study Team din an rel a, he Study Team hian Lengpui Airport a medical service thuam that a tihchangtlun dan tur an ngaihtuah tel bawk ang. Tun dinhmun a Mizoramin harsatna lian tak tak kan tawh pathum HIV/AIDS, Cancer leh damdawi hmankhawlohna te hi tun aia uar zawk leh awmze nei zawk a do dan tur te an ngaihtuah bakah, kum upa/tarte sawrkar damdawiin a a thlawn emaw, senso tlem zawk emaw a enkawl an nih theih dan tur leh damdawiin a duat taka enkawl an nih bakh bakah, damdawi in an pan kher ngai lova an awmna hmun a a khat tawk a an hriselna endik sak thin dan tur te an sawiho bawk a ni.

Vawiin thutkhawm ah hian Health & Family Welfare Board Vice-chairman Dr. Z.R. Thiamsanga, MLA bakah Board member te leh mithiam sawm bik te an tel a ni.