District Hospital, Champhai-ah Opthalmologist a awm loh vanga Champhai khua leh a chheh vela awm ten harsatna an tawk mek hi Health & Family Welfare Department chuan pawi a ti hle a ni. He indaihlohna sukiang tur hian Doctor (Specialists) 5 leh Doctor 31 la turin MPSC-ah thawn a ni tawh a, MPSC pawhin Advertisement a chhuah tawh a ni. Heng Doctor (Specialist) 5 lak tur zinga Opthalmologist 1(pakhat) hi District Hospital, Champhai tana a ruahman sa a ni nghe nghe a ni. Doctor (Orthopaedics ) erawh hi chu indaihlohna a nasat em avangin tun dinhmunah chuan Department in dah mai tur a nei rih lo a ni. Sawrkarin Doctor indaihlohna phuhruk tur hian theihtawpin hma ala reng tih hi mipuiten lo hriatsak turin leh Department in harsatna a hmachhawn mek hi hriatthiam pui turin Health & Family Welfare Department chuan a ngen a ni.