Tuirial A/C Bialtu MLA Pu Hmingdailova khiangte chuan Vawiin khan Thingdawl Vengthar Branch YMA Silver Jubilee Lawmna a hmnapui.

Lawmna inkhawmah hian Khuallian chuan tunlai zoram khawvela YMA Member tin ten kan vei tur leh ngaih pawimawh ngai chu HIV/AIDS in thalaite a run nasa lutuk hi ani tiin mitin ten tan kan lak loh chuan he natna hlauhawm tak hian mizo mipuite min ti pul ang tih a hlauhawm a, he natna do hi a tul takzet ani tiin Ram leh Hnam humhalh na kawnga peng pawimawh tak pakhat ani a ti. Hemi bakah hian Ram leh Hnam tana pawi khawpa hnam dang hnathawhpui/sumdawnpui hi sim a hun a, nupui pasal zawnna kawngah pawh kan uluk a ngai ani a ti. Mizote chu hnam dang laka kan kun loh nan leh kutdawh loa kan khawsak theihnan chhungtin ten intodelh kan tum theuh a ngai a, chumi a tan chuan taihmakna leh thawh rimna a pawimawh a, Sawrkar ina mipui te hamthatna tura hmalakna hrang hrang a neih te chu thlawp zel turin kalkhawm YMA Member te chu a chah a ni.
Ramngaw, tui hna leh nungcha te ti chereu lo zawnga nunphung kan zawh a hun tawh takzet a, kan ramngaw leh nungcha te hi YMA taka kan humhalh a ngai ani tiin Mizoram chu chhuan lo la awm zel tur te tan zoram nuam a nih chhunzawm zel theihnan tan la turin khuallian chuan kalkhawm te a sawm a ni.

He hunah hian Kolasib Sub-Hqrs YMA President Pu C.Liankunga pawhin thu a sawi a. Thingdawl Vengthar Branch YMA hi kum 1993 a din niin tun dinhmunah member 516 an awm mek a ni.