2052/2023-2024

Hnahthial the 29th September 2023: Jal Jeevan Mission (JJM) hnuaia cheng 421,36,000 senga siam Darzo Solar pumping Scheme chu nimin khan Health & Family Welfare Minister leh South Tuipui AC Bialtu MLA ni bawk Dr R Lalthangliana chuan a hawng.

He hawnna inkhawmah hian Minister chuan Darzo khua in a mamawh tak, tui hnianghnar tak an neih theih nana nizung chakna hmanga tui pump na (Solar Pumping Scheme) hawn a ni ta chu a lawmawm hle a ti a. Tunlai khawvel nen pawh a inhmeh hle a ti a, ram leilung hausakna pawimawh tak ramngaw ti cheureu lova tui pump khawl tha tak an nei chu ropui a tih thu sawiin Darzo khawtlang tan thil chhinchhiahtlak tak leh hmasawnna ropui tak a ni, a ti. SELCO company nen an in dawrna hlawhtlinna zarah Mizorama PHC te chu nizung chakna hmangin tih en a nih dawn thu tarlangin hmasawnna ropui tak a ni a ti bawk. Darzo in a mamawh em em tiau balu lakna tur kawng pawh ruahman a ni tawh tiin Darzo mipuite tan eizawnna tha tak a ni dawn a ti a, eizawnna ngelnghet an neih theuh theih nan luikam hausakna haichhuah theih a ni dawn chu a ropui a tih hle thu a sawi bawk a ni.

Nimin Darzo Solar Pump Scheme hawnna inkhawm hi Darzo VCP Pu PC Lalthangzuala chuan a kaihruai a, Er Darthangvunga, EE PHED Hnahthial WATSON Division chuan technical report pein Er C Lalmuankima SDO, PHE Hnahthial WATSON Sub division chuan lawmthu sawiin hun a khar a ni.

Darzo Solar Pump Scheme hi JJM hnuaiah cheng 421,36,000 seng a siam a ni a. Feb 2022 a siam tan niin nitin tui litre 144000 pump chhuak thei tura ruahman a ni.