Health & Family Welfare Principal Secretary Pu Arun Goyal chuan vawiin khan Champhai District Hospital a tlawh. Office-a thawkte kawmin an hnathawhdan te a enfiah bakah hospital leh a chhehvel chu chipchiar takin a fang a.  Champhai DC Pu Sangdingliana hovin Pu Arun Goyal chuan Chief Medical Officer, Medical Superintendent leh Senior Doctor-te nen inkawmna hun a hmang bawk.

Pu Arun Goyal chuan Champhai District-in Hospital Building thar tha tak an nei chu lawmawm a tih thu a sawi a. Chutihrual chuan mamawh leh harsatna a hnena an thlente chu ngaihpawimawh tham an nih thu leh hmalakpui a tum thu a sawi bawk a. A bik takin transformer mamawhna leh solar power siamthat te chu hna hmasa a neih tul a tih thu a sawi a ni.

Principal Secretary hian vawiin vek khan Zokhawthar Sub-Centre tlawhin, nimin khan Saitual Sub-Division Hospital leh Kawlkulh Primary Health Centre tlawhin a lo enfiah tawh a. Naktk hian Khawzawl Primary Health centre a tlawh leh ang. Pu Arun Goyal hi Dr. F. Lallianhlira, Joint Director, Health Services in a tawiawm a ni.