DM&R leh Vety Department changtu Minister Pu C. Ngunlianchunga chuan nimin (January ni 30, 2015) khan Khawzawl Vengthara leitlahniam chu a hmunah kalin a enfiah a, siamthatna tur SDRF atangin cheng nuai 15 Champhai DC Pu Sangdingliana hnenah a hlan bawk. Minister hi MLA Pu Lalrinliana Sailo bakah DM&R Director Pu Lalpeksanga leh DM&R Deputy Director Pi Zosangzuali Pachuau ten an tawiawm a ni.

Minister Pu Ngunlianchunga chuan Khawzawl kawng chu khawchhung mite tan mai bakah thenawm ramte nena border trade atan kawng pawimawh tak a nih avangin harsatna a awm belhloh nana tha taka siam turin hmalak zel a tul thu a sawi a ni.

Minister hi nizan khan Champhai a thleng a, Vety Department-a thawkte nen department leh NLUP hmalakna chungchangte an sawiho bawk a ni.