3925/2022-2023

Aizawl the 22nd March 2023 : Vawiin khan Aizawl Vanapa Hall-ah World Water Day 2023 hman a ni a. Public Health Engineering Department (PHED) leh Central YMA tangkawp buatsaih he programme ah hian Health Minister Dr R.Lalthangliana chu khuallian a ni.

Khuallian chuan World Water Day ah hian kan tuihna te humhalh a nih theih nan kan ram thing leh mau te, ram ngaw te humhim a ngai tih hria a tan la turin mipuite a sawm a. Mizoram chu India ram state te zingah tui harsatna tawk mek leh tawk zel tur nia ngaih zingah kan tel a, chuvangin vawiin World Water Day kan hman hi kan state tan a pawimawh lehzual a ni, a ti. Thawhhona tha a pawimawh tih sawiin hripui len laia sawrkar, kohhran, tlawmngai pawl leh mipui mimir kan tang tlang ang khan, tuihna humhalh kawngah pawh zavaia tan tlan a ngai a ti a. Midang te tih tura dah lo a, mitin ten kan theihtawp kan chhuah a tul tiin “Kan vei tak tak a, kan beih tak tak chuan kan hlawhtling ngei ngei ang”, Minister chuan a ti. Harsatna kan tawh hi ai khata luanga thawh hona tha min siamsaktu ni se la, vawiina World Water Day puala kan kalkhawm hi duh tawk mai loin, hma chhawp tih tur tam tak kan neih te tihlawhtling turin a takin i pen chhuak ang u, Dr R Lalthangliana chuan a ti bawk.

Central YMA President Pu R.Lalngheta pawhin thu sawiin Mizoram hmun hrang hrangah tuihna a kam nasa a, a humhalh kawngah tan lak nasat a ngai, a ti a, Group YMA hruaitu kalkhawmte pawh anmahni hmun theuhah tan la nasa lehzual turin a chah. Tuihna humhalh chauh ni lo, faina leh thianghlimna kawngah te, ram ngaw humhalh kawngah te pawh tan lak nasat a ngai, Central YMA President chuan a ti a. Ram siamthat hna hi vei tak takin vei a, tih tak takna nen nasa lehzuala tang tlang turin mipuite a sawm a ni.

World Water Day 2023 pual hian inelna chi hrang hrang buatsaih a ni a, vawiin hian lawmman sem nghal a ni a. Lawmman dawngtute chu

WWD Winner's List(alf).pdf

Kum 1992 khan United Nations General Assembly chuan khawvelah hian tui duhkhawp leh thianghlim a awm zel theih nan tui awmsate awmze nei taka hman a tulzia leh chumi kawnga mi zawng zawng lungrual taka kan thawhho theihna turin March ni 22 hi World Water Day atan a ruat a, kum 1993 atang khan khawvel pum huapin he 'World Water Day' hi hman tan a lo ni ta a, heta tang hian kumtin tui pawimawhna pho chhuak thei thupui thlan chhuah a ni thin.Kumin hian invawn thianghlim lam hawi huam telin thupui hman a ni a, thupui chu 'Accelerating change 'tih a ni a. Hei hian a tinzawn ber chu tui leh invawn thianghlim kawnga chak zawka hmasawn hi a ni. Kumin World Water Day campaign au hla ber tur chu,  tui leh invawn thianghlim kawnga hun khirh lai sut kian zel (solving water and sanitationcrisis) tih a ni a, he hmasawnna inher danglam mek hi a thlen china tichak zel turin mite hnenah hrillh chhawn zel tur a ni.

PHED leh CYMA hian Mizoramah tui hna humhalh a nih theih nan kum engemawchen thawhhona an lo kal pui tawh a. Coordination Committee dinin kuminah pawh he ni pual hian programme urhsun tak an buatsaih a ni. He Committee hian Mizoram humhim tur hian tuihna awm chhun ang ang te hi ei leh in mai piah lamah ram hmasawnna thlen thei tur khawpa duat taka enkawl a, nasa taka humhalh a tul hle tih a hmu a. Thing leh mau, ransa leh nung cha, ram ngaw leh lui tui te hi tangkai taka hmang chunga humhalh leh enkawl thianghlim a tulzia a zau thei ang bera inzirtir nan he hun a buatsaih a ni.

Vawiin programme hi PHED Joint Secretary Er.Lalrinzuala’n a kaihruai a. CYMA Assistant Secretary Prof. Malsawmliana’n thupui sawi zauna hun a hmang a. Er.H.Duhkima, Director, PMU, PHED chuan lawmthu sawiin hun hnung a khar a ni.

Kum 1992 khan United Nations General Assembly chuan khawvelah hian tui duhkhawp leh thianghlim a awm zel theih nan tui awmsate awmze nei taka hman a tulzia leh chumi kawnga mi zawng zawng lungrual taka kan thawhho theihna turin March ni 22 hi World Water Day atan a ruat a, kum 1993 atang khan khawvel pum huapin he 'World Water Day' hi hman tan a lo ni ta a, heta tang hian kumtin tui pawimawhna pho chhuak thei thupui thlan chhuah a ni thin.Kumin hian invawn thianghlim lam hawi huam telin thupui hman a ni a, thupui chu 'Accelerating change 'tih a ni a. Hei hian a tinzawn ber chu tui leh invawn thianghlim kawnga chak zawka hmasawn hi a ni. Kumin World Water Day campaign au hla ber tur chu, tui leh invawn thianghlim kawnga hun khirh lai sut kian zel (solving water and sanitationcrisis) tih a ni a, he hmasawnna inher danglam mek hi a thlen china tichak zel turin mite hnenah hrillh chhawn zel tur a ni.

PHED leh CYMA hian Mizoramah tui hna humhalh a nih theih nan kum engemawchen thawhhona an lo kal pui tawh a. Coordination Committee dinin kuminah pawh he ni pual hian programme urhsun tak an buatsaih a ni. He Committee hian Mizoram humhim tur hian tuihna awm chhun ang ang te hi ei leh in mai piah lamah ram hmasawnna thlen thei tur khawpa duat taka enkawl a, nasa taka humhalh a tul hle tih a hmu a. Thing leh mau, ransa leh nung cha, ram ngaw leh lui tui te hi tangkai taka hmang chunga humhalh leh enkawl thianghlim a tulzia a zau thei ang bera inzirtir nan he hun a buatsaih a ni.

Vawiin programme hi PHED Joint Secretary Er.Lalrinzuala’n a kaihruai a. CYMA Assistant Secretary Prof. Malsawmliana’n thupui sawi zauna hun a hmang a. Er.H.Duhkima, Director, PMU, PHED chuan lawmthu sawiin hun hnung a khar a ni.