905/2023-2024

Siaha; the 24th June,2023 : Vawiin chawhma dar 9:30Am khan H&FW Minister Dr.R.Lalthangliana chuan District Hospital Siaha-a PAEDIATRIC INTENSIVE CARE UNIT(PICU) leh HIGH DEPENDENCY UNIT(HDU) a hawng. He hawnna inkhawm tawi hi DMS Hall-ah neih niin, Pu Lalhmunsanga Hnamte,District bawrhsap in a kaihruai a ni.

Minister Pu Thangte chuan thusawina hun hmangin, Covid hripui leng leh harsatna hrang hrangte avangin kum 2 chuang hna thawk tha hlei thei lovin awm mah ila, hnathawh theih hun reilote chhung hian kawng hrang hrangah hmasawnna hmuh tur a awm chho zel chu lawmawm a tih thu a sawiin, vawiina PICU leh HDU changtlung tak District Hospital Siaha in a han neih thar leh te hian min ti lawm hle a ni, a ti.

Minister chuan Mizoram Health Systems Strengthening Project(MHSSP) hnuaiah District Hospital Siaha pawh cheng nuai 276.7 senga thuam that tum a ni a. He project hnuaiah hian Mortuary room sak te, Administrative Building, OPD building,Trauma Centre,Main Building rawng hnawih that, bang leh slab chhia/leak lai plaster that, floor leh wall tile phah that tur bakah, hmun pawimawh laia CCTV vuah tur te a ni, tiin July thla laihawl vel atang chuan hna pawh thawh tan theih beisei a ni thu a tarlang bawk.

Minister chuan Medical College tan recognition hmu hi thil awl ai lo tak a ni laiin, tun hnaiah ZMC in recognition kan hmu a, a lawmawm hle a ni. ZMC 1st Batch, internship bei mek ten an zirlai an lo zawh hunah chuan Tipa,Phura,Chhaoló PHC te pawn doctor an nei ve thei ngei tawh ka beisei a ni, a ti. Minister chuan Kumin REMNA NI lawmna pualin Hnathial District-ah 2days- Free Health Camp buatsaih tum a nih thu sawiin, chutiang chu Siaha district-ah pawh neih a ni ve theih nan ruahmanna a lo siam tur thu a sawi.

Dr.Joseph Lalluaia,SMO(Procurement) chuan technical report pein, Vawiin Unit hawn tharah hian khum 12 awmin, Paediatric ICU-ah khum 4 leh HDU-ah khum 8 a awm thu leh heng Unit 2 te hi khawl leh hmanrua hrang hrang chi 16 a thuam an ni thu a tarlang.

Vawiin programme-ah hian Minister hi Dr.SR Ngurchamliana,Jt.Director,DHME,H&FW Dept. leh Dr.Joseph Lalluaia,State Nodal Officer (NAS,MMU),NHM ten Aizawl atangin an rawn tawiawm a ni.

Dr. C.Lalrosanga,DMS in lawmthu sawina in vawiin programme hi a khar ta a ni.