No.839/2021-2022
Aizawl 7th June 2021: COVID-19 dona kawnga thawktute hmanraw pawimawh PPE indaihlohna phuhruksak tura Health Minister Dr.R. Lalthanglianan Union Health Minister Dr. Harsh Varshan hnena ngenna a lo thehluh tawh chuan rah tha chhuahin he ngenna ang hian vawiin June ni 7, 2021 khan Mizorama hnathawktute hman turin PPE 7500 leh hmanraw pawimawh N95 Mask 20,000; Gloves 20,000; Goggles 20,000 a lo thleng.
PPE te hi a vaiin 20,000 lo thleng tur a ni a, tun tuma lo thleng 7500 baka a dang lo la thleng turte hi hun rei lo teah a lo thlen belh leh thuai dawn a ni. Heng PPE leh hmanraw pawimawh dangte hi Central Medical Store, Zemabawk thawktuten an lo dawngsawng a ni.
Heng bakah hian vawiin chawhma dar 10:30 khan Life Insurance Company(LIC) chuan PPE set 100 zet chu Health & Family Welfare Department hnenah an hlan bawk a. LIC aiawhin Pu K.Kamei, Branch manager, LIC, Aizawl ten Club member Pu C.Vanlalsawma leh Pu Laltanpuia Hrahsel, Adviser ten Dr.F.Lallianhlira, Principal Director. Health & Family Welfare Department hnenah an hlan a ni.
He hunah hian Director of Health Services mai bakah Senior Officer thenkhat ten hlanna inkhawm hi an hmanpui bawk a ni. LIC hian a hma pawhin PPE hi Mizoram Sawrkarah engemawzat an lo pe tawh a, vawiinah pawh Principal Director, HFW an pek bakah hian Aizawl hmun hrang hrang Containment zone-ah te PPE set 50 an sem bawk. Heng Donation hrang hrangte hi LIC branch pakhat Corporate Social Responsibility atanga dawn a ni.
Hemi rual vek hian WHO India atangin Respirator Mask 5000 chu Dr.Lalhlimpuii, SMO, WHO in Principal Director hnenah a hlan bawk.
Health Department hotute chuan lawmthu sawiin hrileng dona kawnga inpekna thuk tak neitu Health Minister chungah leh LIC hotute bakah Dr.Lalhlimpuii, SMO, WHO te chungah lawmthu an sawi a ni.
Attachment
- Loading attachment...
