Vawiin khan Mizoram State Health Care Society (MSHCS) Governing Body chuan Chief Minister’s Conference Hall-ah Health Minister Pu Lal Thanzara hovin thut khawm vawi 14-na an nei a. Finance Minister Pu Lalsawta bakah, MSHCS lam hotu te, Health Department lam hotu te, Finance Commissioner te, Commissioner of Taxes te, MZU lam mi thiam te leh NGO hrang hrang aiawhte an tel a ni.

He meeting-ah hian MSHCS hnuaia Health Care Scheme leh Rashtriya Swasthya Bima Yojana (RSBY) kalpui a nih dan leh hma sawnna tur kawng hrang hrangte sawi ho a ni a. Mi mal damdawi inte’n RSBY an kalpui dan chungchanga mi retheite tana harsatna awm thinte sut kian dan ngaihtuah ni se, tih te; RSBY hnuaia claim awmte dinhmun hriat chian a nih theih nan State Server hran neih ve ni se, tih te; sawrkar laipuia Health Ministry atanga sum hmuh thinte tangkai taka hman a nih theih dan tur leh sum hmuh tihpun a nih theih dan tur te; MSHCS-a thawktute hlawh leh lirthei hman man tihpun chungchang te leh hma sawnna atana thil tul dang hrang hrang te sawi ho a ni a. Health & Family Welfare Department Principal Director chu Governing Body Senior Vice Chairman atan an ruat thar bawk.

Tun dinhmunah Mizoram State Health Care Scheme hnuaiah hian natna chi hrang 130 velah a bill theih a. HCS leh RSBY-ah hian kum tin Rs vaibelchhe 12 vel sen thin a ni.

Attachment

  • Loading attachment...