Vawiin khan Health Minister Pu Lal Thanzara chuan a pisa-ah Health Department officer pawimawhte leh MSACS officer-te nen thisen pek (blood donation) leh hemi kaihhnawihna tunlaia harsatna blood bank-ten an tawhte sawihona hun an nei.

Thisen pekna hmanrua – blood bag, test kit leh mamawh dangte hi sorkar laipuia NACO (National AIDS Control Organization) atangin a thlawna dawn thin a ni a. Kumin atangin NACO chuan heng hmanruate lei nan hian State sorkarin 25% chu tum turin a rawn phut bakah, NACO atanga tanpuina hrang hrang hmuh thinte chu tihhniam vak ani ta a. Heng mamawhnate phuhruk a, Blood Bank te harsatna sukiang tur hian tun dinhmun atan chuan Directorate of Health Services leh Directorate of Health and Medical Education-te chuan intumsema, a tul anga hmala dun turin rel a ni.

Vawiin meeting-ah hian blood bank lama thawktute indaihloh avanga tlawmngai pawl thisen pek tum pe theilo an awm thin thu chu sawiho a ni bawk a. Pawl anga thisen petute hman hun hi school leh office chawlh ni a nih tlangpui thin avangin ni khatah pawl pakhat aia tam thisen pek tum a awm thei a. Hmun khat aia tamah thisen la turin Blood Bank-a tawktute an vahchhuah theih thinloh avangin thisen petute lamah thisen pek hun ruat chungchanga inhrethiam tlang takin inremsiam a ngaih thin thu an sawi a ni.