Vawiin zing dar 7:00 khan Electric Veng Branch YMA Golden Jubilee Building sak tur lungphum Pu Lal Thanzara, Minister, Health & Family Welfare chuan a phum.
Pu Lal Thanzara chuan Electric Veng Branch YMA hruaituten hma thlir thui tak nei a, Aizawl hmun laili ah mipuite leh infiam mite tana chhenfakawm tak building an ruahman thin chu fakawm a ti a. Electric Veng mipuiten an duh sak thin na ah lawmthu a sawi bawk a ni.
He inkhawm tawi hi Pu K. Lalthanmawia, Vice President, E- YMA in a kaihruai a. Pu Lianchungnunga, Chairman, E-YMA Hall Committee in report a pe a, he building hian motor parking, MUP Recreation Center leh Electric Veng Branch YMA Library te a keng tel dawn a ni. Electric Veng Branch YMA hian kum 2017 a an Branch YMA Golden Jubilee lawm turin kawng hrang hrangin an inbuatsaih mek a ni.
He hun ah hian Local Council leh NGO hruaitu sawm bik te an tel a ni.
