Health & Family Welfare, Higher & Technical Education, Industries Minister Dr. R. Lalthangliana chuan nimin chawhma (1.2.2019) khan New Delhi-ah sawrkar laipuia mi pawimawh te hmuin Mizoram tana hmalakna pawimawh te a sawipui.

Minister Dr. R. Lalthangliana chuan Union Secretary, Ministry of Tribal Affairs, Anoop Srivastava chu a pisa ah a hmu a. Mizoram District pariat zinga Mamit District chu Aspirational District-a thlan a nih angin, Mamit District dinhmun hrechiang tura amah pawh  ahmunah a kal tawh thu leh Mamit District chhunga hmasawnna tha leh rintlak a awm theih nana Cheng Vaibelchhe 38 mamawh thlen tawh chu, a rang thei ang bera pe turin a thlen a ni.

Union Secretary, Ministry of Commerce and Industries, Anup Wadhwa  hmuin, Minister Dr. R. Lalthangliana chuan Zokhawthar Border Trade leh Kawrpuichhuah Border Trade te chu a tul anga hmalakna tur leh tihchangtlun dan tur a sawipui a. Secretary hi Joint Secretary, Indo-Border Trade, S. Bhalla chuan a tawi awm a ni.

Minister chuan Union Secretary, Ministry of Textiles, Raghvendra Singh hmuin, Mizorama Handloom leh Handicrafts hmalakna lian tham awm thei ang leh ruahmanna te a sawi pui bawk.

Union Secretary, Ministry of AYUSH, Vaidya Rajesh Kotecha pawh Minister chuan hmuin, Mizorama Ayush doctor indaih lohna leh thawktu hrang hrang indaihlohna te thlenin; Mizoram-ah AYUSH doctor te tangkai dan a sawipui bawk a ni.

Hemi ni hian University Grants Commission (UGC) Chairman, Prof. V.P Singh nen inkawmna hun neiin, Mizoram University hmasawnna tur leh Mizorama Constituent University awm chhun, Kum 1958-a din, Pachhunga University College (PUC)a Research Project hrang hrang atana mamawh leh Post Graduate (PG) hawn tan lo nita-ah mamawh hrang hrang, a bikin Building leh Faculty indaihlohna ziakin Minister Dr. R. Lalthangliana chuan a thlen bawk a. UGC Chairman, Prof. V.P Singh chuan meeting hmasa berah ngaihtuah a nih tur thu a sawi bawk a ni.

Minister Dr. R. Lalthangliana hi Mizoram House a Officers thenkhat ten an tawiawm a ni.