Vawiin khan Lunglei DC Conference Hall-ah  Chapchar Kut Organising Committee chu an Co-Chairman  Pu Lalrotluanga, Sub Hqrs YMA President hovin an thukhawm.

Chapchar Kut 2019 chu hlung tak leh ropui taka hman ni se tih Committee chuan relin a lawmna pui ber chu 1st March, 2019 ah Thuamluaia Mual ah hman ni se tih a rel a. Mizo hnam lam chi hrang hrang en tur leh zaithiamte zai tura ruahman niin photo booth pawh buatsaih a ni ang. Chapchar Kut hi ni hnih chhung (28th February 2019 leh 1st March) hman ni se tih rel a ni a. A ni khat ni zingah hian YMA huaihawtin veng tinah Chapchar Kut hnatlang buatsaih a ni anga. Tin, chhun lamah kawng zawh tur niin Royal Knights Bullet Club, Leitlang Lightnings leh Black Bumpers te sawm ni se tih rel a ni bawk a. MZI Sub Headquarters Lunglei buatsaihin Mobile/street concert neih a ni bawk ang.

Organising Committee chuan Department hrang hrang bakah YMA, MUP, MHIP, MZI leh MCO te mawhphurhna pek ti hlawhtling theuh turin a ngen a.