No.7941/2020-2021

Aizawl, 26th March, 2021: Vawiin khan Zoram Medical College-ah Dr. R. Lalthangliana, Health & Family Welfare Minister chuan Viral Research & Diagnostic Laboratory, Animal House, MRI & CT Scan Centre, Community Medicine And Clinical Skills & Advance Learning Centre Building a hawng.

Dr. R. Lalthangliana chuan vawiin ni hi ni chhinchhiahtlak tak thil pawimawh panga Viral Research & Diagnostic Laboratory, Animal House, MRI & CT Scan, Community Medicine leh Clinical Skills & Advance Learning Centre building te hawn theih a ni chu lawmawm a ti a. Hei hi Chief Minister thahnemngaihna leh thawktute thawhrimna leh inpekna, rilru zawng zawng senga an thawh rah a ni a ti.

ZMC hi Medical Council of India te hian an duh hun hunah endikna an nei thin a, chumi vang chuan kan inrin renga, theihtawp kan chhuah zel a pawimawh thu sawiin, nikum Covid-19 hluar zual laia  ZMC-a thawkte mutbu pawh tuah tha thei lova an thawhnaah lawmthu a sawi bawk a ni. Health & Family Welfare Department-in hmachhawp hrang hrang a neih thu sawiin hemi tihlawhtling tur hian kan zavaia kan tanrual a pawimawh thu a sawi a ni.

Prof. F.Lalnunmawia Bialtu MLA pawhin thu sawiin vawiina thil hawn thar hi ZMC tan bung thar kaina pawimawh tak a nih thu sawiin Health & Family Welfare Minister leh ZMC-a thawktu zawng zawngte chungah lawmthu a sawi bawk a ni.

Hawnna inkhawm hi Pu R. Lalramnghaka, Special Secretary, H&FW Department-in kaihhruaiin Dr. T.Lalhmangaihi, Director, ZMC-in Technical Reports a pe a, Dr. F. Lallianhlira, Principal Dirctor, H&FW-in lawmthu a sawi bawk a ni.

MRI khawl hi Rs. 8.9 Crore leh CT Scan khawl hi Rs. 4.45 Crore senga dah a ni a, Community Medicine Building hi Rs. 178.4 lakhs senga sak a ni a, Viral Research & Diagnostic Laboratory hi Rs. 50 lakhs senga siam niin Animal House hi Rs. 73.9 Lakhs senga sak an ni.

Attachment

  • Loading attachment...