3406/2024-2025

6th December, 2024 : Vawiin chawhnu khan Ramthar veng, Lunglei tlangval -  Laldinsanga Ramlawt, WBC World Youth Bantamweight Champion chu Pi Lalrinpuii, Health Minister leh Bialtu MLA ni bawk chuan a office chamber-ah lawmpuina hun a hmanpui.

Pi Lalrinpuii chuan t Laldinsanga'n khawvel huapa intihsiakna a Champion title a han dawng thei hi thinlung takin a lawmpui thu a sawi a. Nakin hun lokal lehzel turah pawh tha thlah lova training nei chhunzawm zel in, hmalam pana nasa zawka ke pen turin a fuih. 

Laldinsanga atang hian mizo tlangval tam zawkin tumruhna leh taihmakna nen, hlawhtlin duhna rilru pu chungin hmalam pen thei se a duhthu a sawi bawk a. Lawmpuina thuziak leh pawisa fai engemaw zah a hlan a ni.

He hunah hian boxer Laldinsanga hi a Coach Pu Sete Lalchhuanawma'n tawiawm a ni.