3174/2023-2024

1. COVID -19 avanga hun harsa tak Zoramin kan paltlang hnuin tun hnaiah khawvel ram hrang hrangah he natna hian awmhmun an la khuar cheu va. Tun hnaiah Covid hrik chhuak thar JN.1 sub-variant chu USA a hmuhchhuah a nih hnuah India ram telin ram 40 deuh thawah hmuh a lo ni leh tak zel avangin WHO chuan ‘Variant of Interest’ ah a puang a; tun dinhmunah erawh lo hlauhthawn tur a awm rih loh thu a sawi a.

2. COVID-19 leh boruak atanga inkai theih natna chung changa Union Health Minister hova Meeting tun hnai maia neihah chuan mipui himna tura fimkhurna tur in zirtir that leh tula hriatna lian tak a awm a.

3. Kan state a Krismas leh Kumthar hunpui kan hman chhoh mekah lai hian khawi hmunah pawh Covid leh boruaka leng thei natna hrik laka kan him theih nan kan lo hriat leh tih thana kan lo neih tawh CAB (Covid Appropriate Behaviour) –

1. Mi dangte nena in chim tam loh
2. Mask vuah that leh
3. Tha taka Kutsil thinte kha tun dinhmunah kan him tlanna turin ching thar leh ila, tiin kan in ngen a.

Zoram mipuite Lal pian hun lawmawm hlim taka hmang tur leh 2024 Kumthar hriselna tha tak nena chuangkai turin thinlung takin duhsakna ka hlan a che u.