4798/2024-2025

Saitual, the 25th March, 2025: Vawiin khan Health Minister Pi Lalrinpuii chuan Saitual District Chief Medical Officer office a tlawh a, District Bawrhsap Dr. Lalngura Tlau, Dr. V Lalremruata, Dy CMO leh Dr. Zothanpari Chhakchhuak, Sr. MO ten lo dawngsawngin inkawmhona hun an nei nghal a ni.

He hunah hian Health Minister Pi Lalrinpuii chuan Saitual District Hospital chuan tun hnaiah lawmman te dawngin an hmingtha hle tih a sawi a, hnathawktute chu fakawm a tih thu a sawi. Minister chuan Saitual District Hospital-in an mamawh te chu ziaka thlen turin Medical Officers te chu a chah a, hma an sawn zel theih nan theih tawp chhuahpui a inhuam thu a sawi bawk.

He hunah hian District Bawrhsap Dr. Lalngura Tlau, Dr. V. Lalremruata, Dy CMO, Dr. Zothanpari Chhakchhuak, Sr. MO, Dr. Valalchhuanga, MO, Dr. Lalmalsawma, MO, Dr. Shabnam E. Lalskar, Dental Surgeon leh Pi F. Zodingpuii, DIPRO te an tel a. Medical Officers te chuan Minister bulah hian an harsatna te sawiin, an mamawh te an thlen nghal a ni.