4797/2024-2025

25th March, 2025 : 24th March 2025 a World TB Day Commemoration, Vigyan Bhavan, New Delhi a neih-ah Mizoram chuan Exemplary Performance in TB Mukt Gram Panchayat Initiative lawmman a dawng.

Lawmman hi Mizoram aiawhin Dr. Lily Chhakchhuak, Mission Director, National Health Mission chuan J.P. Nadda, Union Health Minister hnen atangin a dawng a, Dr. Zochhuanawmi, State TB Officer, NHM a tel bawk.

Pi Lalrinpuii, Health Minister chuan NHM in hetiang lawmman a dawng thei hi lawmawm a tiin, National TB Elimination Programme (NTEP) thawktute, doctor leh nurse te, Health & Wellness Officers, Health Workers leh thawktu dangte thawhrimnaah lawmthu a sawi.

Ni 7th December, 2024 atang khan Mizoramah 100 days TB Campaign District 4 – Aizawl, Mamit, Serchhip leh Champhai ah te kalpui niin hemi chhung hian mi 61,859 TB an vei leh vei loh endik an ni a, mi 26 TB natna vei hmuhchhuah an ni. TB endikna Camp hmun hrang hrang-ah vawi 874 neih a ni a, NAAT a endik mi 4,662 awmin X-ray mi 10,886 te neih niin Microscopy in mi 398 sample endik a ni bawk. Nutritional Poshan Yojana hi TB damlo zingah 1,177 pek an ni bawk.