Vawiin chawhma khan 68th Independence Day chu Mizoram hmun dang ang bawkin Khawzawl ah pawh urhsun taka hman a ni a. Independence Day lawmna inkhawm hi Khawzawl Mualvum Field ah neih niin Health Minister Pu Lal Thanzara chu khuallian ah hman a ni. Khuallian hian Hnam puanzar  a pawhpharh hnuah hnam puanzar zahna lantira chibai buktu parade contingent 12 te chhanglet in Independence Day thuchah a sawi nghal a ni.

Pu Lal Thanzara chuan zalenna hlutzia leh zalenna sualtute ropui zia te sawiin zalenna leh remmna hnuaiah lo chuan hmasawnna a awm hleih theih loh thu a sawi a. Remna leh Muanna kan neih hi thenkhat ten tih chhiat tum in tunhnai maiah pawh mipui, nunau leh pawisawilote rikrap zawng in thil an ti a. Hei hi sawrkar thil duhloh zawng tak a nih vangin chak taka hma la in kan police chhuanawm tak te hmangin an chhui chhuak nghal a ni a ti a. Hetianga muanna tihchhiat tum zawnga khawsa te hi sawkar in a dim dawn lo a ni, a ti. Minister chuan Mizoram sawrkar hmalakna hrang hrangte tarlangin mipui te chu sawrkar hmalakna te thlawp tha zel tur in a chah a ni.

Health Minister hian sawrkar damdawi in - Khawzawl CHC Rs.2.9 crore senga sak mek pawh tlawh nghal in contract thawhmekte a endik nghal a . A bial a zauh ngaihtuahin Khawzawl CHC chu infant mortality tih hniam kawng ah hma an la tha hle a ni tiin an hnathawh thatte chu chhunzawm zel turin a chah.

Attachment

  • Loading attachment...