Vawiin zingkar khan Pu Lalrinliana Sailo Health Minister chuan District Hospital a tlawh. Health Minister Pu Lalrinliana Sailo chuan a bial a fan zawh hnuin nimin tlai khan Champhai a thleng a.

Champhai District zaimite intihsiakna Chhaktiang Lelte top 7 puanna Dam Dama Memorial Hall, Zotlang \\\\\\\'E\\\\\\\' a neih a hmanpui. Tukin zing dar 6:30 khan Champhai District Hospital sak mek, Eye Ward leh Nursing School te a tlawh.Champhai District Hospital sak mek hi Rs 94,036,711.54 senga sak tura ruahman a ni a ; khum 100 awm tur a ni. Hei bakah hian Staff quarter tur building Rs 11,591,311.93 senga sak hna thawh mek te a enfiah nghal a ; tunah hian heng building- te hi peihfel thawkhat tawh a ni, District Hospital sak mek hi za ah sawmriat zawh tawh a ni bawk. Minister hi Pu T.T. Zothansanga Champhai North bialtu MLA ,Champhai DC Pu Vijay Kumar Bidhuri leh officer ten tawiawm a ni.