Vawin khan I&PR Conference Hall Lunglei ah Health Multipurpose Service Association Sub Headquater Lunglei chuan Conference vawi 5 - na an hmang a. Dr Lalrinthangi SMO Lunglei chu khuallian niin a hmanpui.

He Conference Pu Saikunga Sailo, Vice President, HMSA, Sub Hqrs Lunglei  kaihruai ah hian Dr. Lalrinthangi chuan thusawiin  invenna kawnga mihring enkawltu in nih angin sorkar programme hrang hrang  thawktu leh ti hlawhtlingtu in ni a, in hna thawh rah hi CMO office hian a tel a,  Lunglei District in hming tha bawk a ni. Central sorkar-in invenna hi a ngai pawimawh hle a, invenna kawnga in hnathawh rah hi District, State leh Central sorkar thleng hian an hria a ni, a ti. Kan hnathawhna hi kan hriat chian a ngai a, thil tisual lo tur a tan lak a ngaih thu a sawi. HMSA hi mipui rawngbawltu in nih angin central programme hrang hrang te zirchianga hre chiang turin a chah a ni.

Health Sub Centre ten record felfai tak nei theuh turin a chah a, Lunglei Disrtrict hi tehna hrang hranga a san theih nan tan tlan a ngaih thu a sawi bawk.  

Pu Lalramhluna Sailo, Secy. HMSA in report pe in Hqrs. Aizawl palai leh Sub. Hqrs. Siaha palai te pawhin thu an sawi bawk.