613/2024-2025

LUNGLEI; the 31st May, 2024: Nimin chawhnu dar 1:00 khan Lunglei district bawrhsap Pi Ramdinliani  kaihhruaina hnuaiah Lunglei District Health Society chuan  Non-Communicable Diseases (NCD) laka Lunglei district a lo him theih nan leh Hriselna kawnga Lunglei district mipuiten hma kan sawn zual zel theih nana duan HEALTHY LUNGLEI  CAMPAIGN tlangzarh dan tur relin an thu khawm.

He meeting-ah hian Healthy Lunglei campaign tlangzarhna inkhawm hi tahrik ni 10 June, 2024 khian Convention centre-ah chawhnu dar 2:00 ah neih turin a rel a. Hon’ble Health Minister Pi Lalrinpuii chuan khuallian niin campaign hi a tlangzarh dawn a ni. He ni pual hian chawhma dar 10:00 atangin Convention Centre kawtah DC office, Lunglei Sr.CMO office leh Lunglei khawpui chhunga Hospital hrang hrang tangkawp ten FREE CLINIC an buatsaih dawn a. He Free clinic-ah hian NCD (Diabetes, HTN, Oral, Breast leh Cervical) screening tih theih a ni dawn bakah Dentist, Pediatrician, Gynecologist leh Ophthalmologist te pawh thu tura beisei a ni. Damdawi pawh a thlawna sem tura ruahmanna kalpui mek a ni.

Lunglei district-ah hian NCD Awareness campaign leh Screening Drive hi chak taka kalpui mek reng a ni a. He Awareness Campaign leh Screening Drive tihchak zual nan leh kalpui chhunzawm zel a nih theih nan bakah Lunglei district in hriselna kawnga hma kan sawn zel theih nan HEALTHY LUNGLEI CAMPAIGN  hi duan a ni a. Healthy Lunglei Campaign atan hian Lunglei District Health Society chuan kawng hrang hrangin sum(Fund) pawh a  dap mek zel a, Bialtu MLA te atang pawhin vehbur khawn mek a ni. Corporate te CSR leh Healthcare sector hnuaia NGO hrang hrang te pawh dawr mek an ni.

He Meeting-a Lunglei District chhunga NCD screening kalpui mek dan chu a hnuaiah hian tarlan a ni.

NCD SCREENING ( as on 25^th May,2024)