614/2024-2025
Dated Serchhip, the 31st May, 2024: Serchhip District-ah Cyclone Remal vanga tui leh power supply lama harsatna liantham an tawh mek chu PHE leh P&E Department te hmalakna avangin siamthat a ni ta.
May ni 27 zan atang khan Serchhip District chawmtu Zuangtui-Bukpui line a chhiat avangin Saitual via E.Lungdar atangin kawlphetha lakluh a ni a. P&E Department a thawktu ten a chhiatna lai zawngin siamthat tumin hma an la nghal a. Nizan khan thawktuten tlaivara hna an thawh chhunzawm leh hnuah tukin zing dar 4:00 khan a chhiatna hmuh chhuah niin siamthat a ni ta a. Zuangtui atangin power hi lakluh a ni leh tawh a ni.
Tui semdarh kawnga Serchhip khawpui chawmtu booster pump pawh May 29, 2024 zanlai atang khan electric hmangin tih nun leh a ni a, Serchhip khawpui chhung veng hrang hrangah tui hi semdarh leh theih a ni a. Chhiahtlang khaw chawmtu gravity hmanga tui lakna pawh siam mek a ni.
