3518/2024-2025

2024 Pawltlak thla ni 13: District Health Society, Lunglei hma lakna Healthy Lunglei District Campaign hnuaiah vawiin khan District & Sessions Judge office-a thawktute leh Mizoram Bar Association Sub-Headquarters, Lunglei member-te tan natna inkai chhawn theih loh, non-communicable disease (NCD) chungchang inzirtirna leh an hriselna dinhmun enfiahna (special NCD campaign & screening) buatsaih a ni.

Bar Room No. II, Lungleia NCD awareness campaign & screening buatsaih hi Pu Mizoram Bar Association Lunglei Sub-Headquarters President Pu ZD Lalnunsanga chuan a kaihruai a. Hun hmanpuitu Lunglei Additional Deputy Commissioner Pu James Miahlung chuan Mizoramah NCD natna chi hrang hrang a hluar thu leh sawrkar hna thawkte zingah pawh a hluar thu sawiin, NCD vei lo turin nun phung uluk leh mahni inenkawl ṭhat a pawimawh thu a sawi.

He hunah hian PHC Zobawk-a Medical Officer Dr Noel Lalremruata Sailo chuan NCD awmzia sawi fiahin, NCD natna lan chhuah dan leh natna lo awm chhan bakah, NCD natna laka inven dan tur kawng hrang hrangte a zirtir a. Zawhna leh chhanna hun hman ni bawkin, hun hman zawhah District & Sessions Judge office-a thawktute leh Bar Association member-te hriselna dinhmun chu Health Department-a thawktute'n an enfiahsak nghal a ni.