3519/2024-2025
Aizawl, 13th December 2024: Vawiin khan State Institute for Transformation (SIT), Mizoram leh Mizoram University nen tangkawp chuan "Moving Towards Green and Net-Zero Building Practices" tih thupui hmanga Zirhona hun Conference Hall, Planning & Programme Implementation Department ( RDB)-ah an buatsaih.
Dr. Lalrinchhana, Principal Adviser-cum-additional Secretary, P&PID chuan workshop program hi sawi hawngin state economy ngelnghet kan neih theih nan, mi hual vel tu boruak, kan chenna leilung leh ramhmul ti chhe lo ang bera hmasawnna ruhrel din leh hmalak - green practice leh net zero building awmzia chiang takin kan hriat hmasak a tul a ti a. Hemi hnu hian C. Lalruatsanga, Team Lead, PIME of State Institute for Transformation, P&PID chuan he workshop-ah hian agenda leh thil tum hrang hrangte a tarlang chhunzawm a. Hmasang atanga nun khawchhuahna tana kan lo hman thin, kan environment ti chhe lo thei ang bera nitina kan khawsakna atana mamawh tawk thawk chhuak tura kan thil tih ten gun taka kan chhut let a, hmasawnna kawng zawh tura kan hmalaknaah pawh chu chu kan dah pawimawh hmasak a tul hle a ni a ti.
He workshop hawnna puala thusawitu MZU Vice Chancellor chuan Mizoram Sawrkar leh Mizoram University ten thil pawimawh bikah thawhhona tha tak an nei thin chu lawmawm a tih thu a sawi a. He huna mithiam lo fuankhawm te hnenah hmasawnna ruhrel kan din dawnin kan chhehvel boruak leh lei lung ti thei em, kawlphetha hman tam loh dan tura din a ni em tih leh niznung chakna a tam thei ang berin hman tangkai theih a ni dawn em tih te chhhut lawk a pawimawh a. Hetiang lam hawia ngaituahna fing tak rawn thawh chhuak tura an sawiho pawh tha a tih thu a sawi. Hmasawnna ruhrel din a nih dawnin kan chenna hmun mila kalphung leh tihdan kan loh neih te zirchian a, insakna chak lak chungchangah pawh state chhunga hmanraw awm te hman tangkai a pawi mawh a ti bawk.
He hunah hian industry lama mithiam, zirna lama mithiam, leh sawrkar mi pawimawh te chuan a hnuai thupui hrang hrangah te sawihona leh inrawnkhawmna an nei.
(i) Green Building Concepts and Design Principles.
- Ar. Emeline Zodingliani Renthlei, Mizoram University
(ii) Energy Efficiency and Renewable Energy Integration.
- Dr. Lalsangzela Sailo, Mizoram University
(iii) Water Conservation and Sustainable Management.
- Ruby Lalremruati, PHED
(iv) Incorporating Local Cultural Identity into Green Architecture.
- Angela Laltlanfeli, MIDF
(v) Policy Frameworks for Transitioning Towards Green and Net-Zero Energy Buildings.
- Ar. Francis L. Khiangte, MAF
He workshop buatsaih a nih chhan ber pakhat chu midang te ang bawka Mizoram sawrkarin kan chhevel boruak leh leilung ti chhe lo thei ang bera hmalak a lo intiamna tihhlawhtlin dan kawng dap a ni a.
Workshop atang hian hian sector hrang hrang atanga hmalatute hnenah kalphung tha zawk leh him zawk hriattir a tum a ni. Kum 2070 a lo thlen chuan India ram chuan Sustainable Development Goals (SDGs) thil tum pawimawh tak tihhlawhtlin tumin boruak chhia siam chhuak lo ram nih a tum a. Mizoram pawhin he hmathlir pawimawh tak hi tihhlawhtlin ngei turin hma a la mek zel a. He workshop pawh SDGs tih hlawntlinna atana Mizoramin ke a penna turin a pawimawh takzet a ni.
Tunah hian state chhungah building project tam tak siam mek a nih avangin heng project-ah te hian tun Workshop chhunga sawihona atang bilh tul tih te pawh a taka kalpui a, hman tum a ni a. Heng kan hmalakna atang hian Green and Net-Zero Building Practices kan tih te hi a tak ram a lo chan a, state dang te tan pawha entawn tlaka Mizoram siam tum a nih thu workshop ah hian sawiho niin hmalaka ataka kalpui ngei tha tih a ni.
Moving Towards Green leh Net-Zero Building Practices chungchanga workshop hi workshop a rawtna leh zawm theih lai te chu kalpui tura thutlukna siam hoa tih tawp a ni.
