Mizoram Excise & Narcotics Department (END), Anti-Narcotics Squad te chuan nimin (24th July 2014) tlai dar 4:00 khan Lengte-ah Heroin Gram 15 an man a. Heroin neitu C. Zohranga (44) s/o Lalrova (L), Lengte pawh an man nghal. Anti-Narcotics Squad te hian C. Zohranga heroin dah that tho, gram 4 chu hemi zan dar 7:00 khan Tuikual atangin an mansak leh a, Heroin sem kualna atana a hman Car pakhat pawh hrensak a ni.

Excise & Narcotics, Champhai Station te chuan nimin(24th July 2014) tlai dar 6:00 khan Lalhmingthanga (41) s/o Lianvela, Zokhawthar leh a thurualpui, Lalbiakzama (30) s/o Lalparliana, Bethel Veng, Champhai intite hnen atangin Heroin hawng khat (15 grams) chu Champhai Bethel Veng ah an man bawk.

Heroin neitute hi Section 21(b) of the Narcotics Drugs & Psychotropic Substances Act, 1985 (NDPS Act) hmangin thubuai siamsak an ni a, Jail-ah dahluh nghal an ni.