No.7555/2020-2021

Mizoram sawrkar Health & Family Welfare Department leh National Health Mission (NHM) bultuma CMO Champhai hnuaia thawktute tana Reproductive Child Health (RCH) chungchang inzirtirna  buatsaih chu vawiin khan Health & Family Welfare Board Vice Chairman Dr. ZR Thiamsanga, MLA chuan a hmanpui.

RCH Training I&PR Conference Hall, CHANEM Champhaia neihah thusawiin, Dr. ZR Thiamsanga chuan faina, thianghlimna leh hriselna kawngahte kan hnufual avangin tanlak tum anih thu sawiin Clean, Beautiful and Healthy Champhai project hnuaiah hmalak tum ani, a ti a. Damdawiin fai inelna ah results duhawm tak Champhai District a damdawiin te’n an nei chu fakawm tiin sumdawnna hmunpui Champhaiah fai kawnga tanlak zual zel angaih thu a sawi a. Tihtur tam tak la awmte hlenchhuak turin tanrual angai a, mipuite hriselna tur ngaihtuahin Health Department hnuaiah training hrang hrangte kalpui mek zel ani a, nausen thi leh nu nau chunga thi  ti rem turin theihtawp chhuah mek zel a ni, a ti bawk.

Dr. ZR Thiamsanga chuan Primary leh Secondary Health Care-te State sawrkarin a ngaihpawimawh  thu leh natna  tlanglawn leh hluarte titlem turin a bulthum atanga tanlak angaih thu a sawi a. Sawrkar flagship program SEDP kaltlangin hmalak tum anih mai bakah State budget mai ni lo project-te siamin hma lak chhoh mek ani, a ti a. Thingtlanga chengte tan hriselna kawnga hmalakna rural health services tih changthlun a pawimawh thu tarlangin,  Primary Health Care tihchangtlun kawngah theihtawp chhuah a tum thu a sawi bawk.

Thusawitu dang Bawrhsap Pi Maria C.T. Zuali chuan Doctor kalkhawmte chu faina leh hriselna kawnga zirtirtu pawimawh tak an nih inhre thar leh tura chahin, ei leh in tur hrisel leh tha kan vela awmte mipuite hrilhhriaa zawm tura puanzar kawngah tanla turin a chah a. An zirthiamna te midang tana malsawmna ni tura hmang tangkai thiam tura chahin, thingtlang a changkan loh chuan kan changkang tak tak thei dawn lova, kalphung hrisel lo leh thlak ngaite kan thlak a hun a ni, a ti bawk.

He hunah hian Dr. Lily Chhakchhuak SPO (RCH), Deputy Director (FW) leh RCH Team ten CMO Champhai huamchhunga Medical Officer-te hnenah RCH programme kaltlanga hmalakna hrang hranga Orientation leh RCH Register Version 2.0 chungchang an zirtir a.

Dr. Lily Chhakchhuak hnen atangin RCH Programme chanchin tlangpui ngaihthlak a ni a. Dr. Lalthanpui, SNO (MCH) in RCH Register Version 2.0 leh  MCP Card  kalpui dan a zirtir a. Pu Reuben Lalrinkima, Consultant IT in RCH Portal hman dan training an pe a. An ni bakah hian Maternal Health chungchang Dr C.Remsangpuii, Consultant (MH), Child Health chungchang Dr. R.Lalremruati Consultant (CH), Family Planning chungchang Dr. Vanlalmalsawmi Consultant (FP) leh JSY & JSSK  chungchang Dr. Agnes Rohlupuii MO (RCH) te’n an zirtir bawk a ni.

RCH Programme-in a tum ber chu nu leh naupangte hriselna chawikana nu

leh naupang chunga thihna thleng thinte tihtlem a ni a. RCH register-ah hian nu naupai leh nausen zawng zawng register thin an ni a, nu-in  naute a neih thlenga enkawlna a dawn zawng zawng leh naupang a pian tirh atanga hri danna leh enkawlna an dawn zawng zawngte chu felfai taka chhinchhiah thin a ni.

Training kaltlang hian nu naupai sawrkar leh mimal damdawiina entirte mahni bial Sub-Centre theuha a hma thei ang bera in register leh vawi li (4) tal Sub-Centre a ANC an tih ngei a pawimawh zia  zirtirna neih a ni.

Sub-Centre a  ANC tih hun chu a vawikhatnan naupai  atanga thla 1-3 inkar, a vawihnihnan thla  4-6 inkar, a vawithumnan thla 7-9 inkar leh a tawpna ber atan naupai atanga kar 36-40 inkarah a ni.