No.7556/2020-2021

COVID-19 hrileng dona kal zelah vawiin khan Kolasib District-ah COVID-19 Vaccination a thawhhnihna (2nd Dose) kalpui tan leh a ni. Mizoram Sawrkarin COVID-19 hrileng laka kan him theih nan Vaccination hi ngawrh takin a kalpui mek zel a, Kolasib CMO kaltlangin Kolasibah pawh Ni 21.1.2021 a Vaccination 1st Dose la tawh ten, a thawhhnih nan 2nd Dose an la leh a ni. Vaccination hi Primary School-III, Venglai ah neih niin COVID-19 donaa Frontline Worker leh Health Workers mi 76-te hnenah Vaccination hi pe tura ruahmanna siam a ni a. Vaccine la zo te hi Final Certificate for COVID-19, COVID-19 Vaccination Course an la zo tih chhinchhiahna pek zel an ni bawk. He thu buatsaih lai hian COVID-19 Vaccine 2nd Dose hi mi 57-te hnenah pek tawh a ni.

Hriattheih chinah COVID-19 Vaccine la tawhte buaipui ngai zui leh harsana nei an la awm lova, khawsik ser ser erawh chu mithenkhatah a awm thin thu hriat niin Vaccination pekna hmun viltu Dr. Doris Lalnunmawii Sailo, DMS chuan hei hi thil pangngai a nih thu leh reiloteah a reh ve leh mai thin thu a sawi a ni. COVID-19 Vaccination hi Kolasib District chhunga khaw hrang hrangah kalpui tura ruahmanna siam mek a ni bawk.