Vawiin khan Mamit District chhunga High School leh Higher Secondary School zirtirtute tan Question Setting Technique tih thupuia hmangin Mizoram Board of School Education ( MBSE) bultumin Chhimveng YMA Hall-ah nikhat awh Training neih a ni.

He hun hi Pi Lalnunthari District Education Officer chuan kaihruaiin zirtirtute chu khawvel hmasawnna mil zela naupangte kan kalpui theih nan kan hriatna tihpun zel a tul a, uluk leh taima taka training turin kalkhawmte chu a chah a ni.

Vawiin training-ah hian MBSE-in kum 2020 Board Exam atanga a hman tan tur Scheme of Examination and Question Design bakah Integrated Evaluation Scheme (IES) sofware update thar leh software manual chungchang inhrilhhriatna neih nghal a ni.

Vawiin training-ah hian Pu Lalrinmawia Ralte, Senior Acedemic Officer leh T. Lalrinzami, Academic Officer-te chuan zirtirna pe-in IES Software kum hmasa lama lo hman tan tawh thuamthat leh User Manual nen zirtirtute hi sem nghal an ni.

Training-a zirtirna pek-ah hian MBSE Exam pass Percentage kumtin sang chung si a, Mizo zirlaite ram pawna zirlaite nena inelna neihah an tihchhiat zawk fo thin avangin, hemi kawnga zirchianna hrang hrang neih a nih hnuah kan exam question set danin nghawng thuk tak a nei tih hriat a ni a.  MBSE chuan kum 2020 atanga HSLC leh HSSLC hman tan tur exam dan kalphung thar duan niin, hemi hmang hian naupangte zirtirna pawh kalpui chhoh mek zel a ni.

He hunah hian Mamit District chhunga HSLC leh HSSLC zirtirtute an tel a ni.

Attachment

  • Loading attachment...