Vawiin khan misual kut tuar avanga vanduaina tawk mi 25 te hnenah Aizawl District Legal Services chuan The Mizoram Victim Crime Compensation Scheme, 2011 hnuaia ruahmana siam angina  chhawmdawlna an hlan.

The Mizoram Crime Compensation Scheme, 2011 hnuaia chhawmdawlna hlanna hi Pu Slyvie Zomuanpuii Ralte Sr.Civil Judge cum Secretary, District Legal Services Authority, Aizawl District in a kaihhruai a, mi 25 te hnenah hian Rs 88,75,000 Pu R. Thanga, District & Sessions Judge cum Chairman District Legal Services Authority, Aizawl District chuan a sem chhuak a ni. Chhawmdawlna hlan  zingah hian mi 19 chu naupang kum tlinglo an ni.

The Mizoram Victims Crime Compensation Scheme, 2011 in a tum ber chu mi tupawh misual kut tawrh avanga ram tui leilova an awmin emaw thihna an tawhin an chhungte hnenah chhawmdawlna pek a ni a, he ruahmannna hian pawngsual tuar te pawh a huam a ni. District Legal Services Authority, Aizawl District chuan mi 52 te hnenah  he chhawmdawlna hi alo sem chhuak tawh a ni.