Vawiin chawhnu khan District Local Administrtion Office, Lunglei leh District Legal Services Authority, Lunglei Distict te buatsaihin Sensitization Programme on Prevention of Corruption Act. 1988 for Village Council Presidents, Lunglei District chu Sub-Hqrs, YMA Conference Hall Lunglei ah  neih ani .Lunglei District chhunga Village Council 143 atanga President/aiawh te hnenah dan leh hrai zirtirna hun hman ani.

He hun hi Pu T. Lalruata, Head CA (LAD) in kaihruaiin Pi Julie Lalrinzami, Chief Judicial Magistrate, Lunglei chuan VC te chu khawtlang a rorel tura mipui thlan in ni a, chuvangin dan leh hrai in hriat angai ani ati. Sawrkar sum in khawih a, harsatna in tawh loh nan dan zir leh hriat hi a pawimawh hle ani. khawtlang ah rankhuahkhirh dan te naupang harsatna tawh chungchang ah te dan hriat  tul thu a sawi.  Lok Adalat hi inremna Court ani a,Ukil rawina nei lo tan Ukil a thlawna dilsakte, Victim Compansation dilsak theih dan te a sawi a. Legal Services hian Lunglei District chhunga  Victim Compansation  mi 11 te tan cheng nuai sawmruk panga a dilsak thu a sawi bawk. Legal Services hian  VC te nena thawhhona tha neih a duh a, dan hriat loh hrilh leh court kalphung  hre lo te tan engtiklai pawhin hrilh hre turin an in hawng reng ani ati. Midang te tan a malsawmna ni theuh turin a duhsakna a hlan ani.

Pu J. Miahlung, DLAO, Lungleiin Prevention of Anti Corruption Measures leh Pu B. Laldinpuia, Advocate in Prevention of Corruption Act. 1988 tih thupui hmangin zirtirna an pe ani. Zawhna leh chhanna hun hman a ni bawk.