Vawiin khan LAD Conference Hall, Mamit-ah Rashtriya Poshan Maah (National Nutrition Month) hman mekah Workshop On Health and Nutrition neih a ni a. Dr Lalrozama, District Bawrhsap chuan Workshop hi a hawng.

Dr Lalrozama chuan Nu naupai leh nausen pawm te'n ei tur hrisel an taksa mamawh an ei chu Sawrkar laipuiin a ngaih pawimawh ang taka hmalakna neih chhoh mekah changtu Department Social Welfare te'n phur tak leh thahnemngai taka an kalpui chu lawmawm a tih thu a sawi a. Hriselna kawnga hma kan sawnna turah inkhaidiat kual vek kan nih angin, Nuin a naupai tana chaw tha a pek chuan nau hrisel tak a hring chhuak dawn a, Naupang hrisel chuan a rilru lam thlenga nghawng a neih dawn avangin a hringtunu tan a pawimawh leh dawn tho a ni a ti. Chuvangin Nu naupaite'n chaw tha ei tur an hmuh theih nana kawhhmuhtu Anganwadi Workers te chuan an pawimawhzia an inhriat thar a duhthu sawiin uluk taka training tur leh hriatthiam loh an nei a nih pawhin a hun laia mithiam zawkte zawt hrehlo turin a chah a ni.

Workshop On Health and Nutrition chungchangah hian Dr Lalmuanawma Jongte, Senior Medical Officer chuan Anaemia Prevention & Diarrhoea Management chungchangah zirtirna a pe a, Lalramnghaki Hauhnar Swachh Bharat Perak-in Diet Diversity & Complementary Feeding tih hmanga zirtirna pein, Higiene, Sanitation & Safe Drinking Water tih hmangin UD& PA atanga zirtirna a lem nen neih a ni bawk.

He hun hi Pi C. Lalrinpuii, District Programme Officer, Mamit chuan kaihruaiin H. Lalrinchhani, District Coordinator (Poshan Abyhiyan) chuan Rashtriya Poshan Maah (National Nutrition Month) kan hman mek chungchang sawizauna a lem nen a nei bawk.

He hunah hian Zawlnuam Project huam chhunga Anganwadi Worker, NYK Mamit bakah MHIP atangte'n an tel a ni.