Vawiin chawhnu khan Higher & Technical Department Conference Hall-ah HIV/AIDS Sensitization Campaign Program neih a ni a, District Program Manager Dr. R.Zonunmawii chuan PowerPoint Presentation hmangin zirtirna Higher & Technical Department a thawk te hnenah a pe a ni. He hun hi John L.T Sanga, Additional Deputy Commissioner, Aizawl District chuan a kaihruai a ni.

Dr. Zonunmawii chuan HIV+ Test in a tum ber chu HIV+ te hriat chhuah leh damdawi hmanga enkawl a ni a, ART ei tha te chuan midang an kai darh tlem a ni, tiin a sawi a ni.

He campaign hi Aizawl District AIDS Prevention and Control Committee in meeting ah Aizawl khawpui chhunga Sorkar Office hrang hrang ah HIV/AIDS sensitization campaign neih nise tia a lo rel tawh bawhzuina a ni a.October Ni 11 khan Chief Minister Pu Zoramthanga chuan he programme hi hawnna a nei tawh a, Sokar Office 10 ah campaign hi neih tur a ni. Aizawl Municipal Corporation Office, Aizawl DC Office, leh Sporths & Youth Department-ah te campaign hi kal pui tawh a ni.