Vawiin khan Kolasib DIPRO Conference Hall ah khawtlang hruaitute leh kohhran thalai hruaitute tan Ruihhlo chungchangah sensitization workshop buatsaih ani.

Thalaiten ten vaihlo, zuk leh hmuam thatloh zia hria a, a laka an fihlim theih nana hmalakna tur kawng hrang hrang sawiho leh inzirtirna hun ah hian Dr.C. Vanlalhlimpuia, District Nodal Officer, National Tobacco Control programme (NTCP) chuan vaihlo, zuk leh hmuam thatlohna chungchang chu power point presentation hmangin zirtirna a pe a, ruihhlo ngawlveina in taksa a nghawng dan (Substance Abuse) chungchangah Dr.Lalthanzami MO, OST in zirtirna pe in COTPA Act 2003 chungchangah Pu ZT. Vawra Hmar, District Consultant NTCP in zirtirna a pe bawk a ni.

He hun hi Pu Lalsikula, SDEO in kaihruaiin Kolasib khawpui chhunga khawtlang hruaitute leh Kohhran hrang hrang thalai hruaitute an kalkhawm a, chawhnu lamah zawhna leh chhanna hun hman bawk ani